കോഴിക്കോട്: പരസ്പരം അറിയാനും അടുക്കാനുമുള്ള അവസരങ്ങള്‍ സൃഷ്ടിക്കുന്നതിലൂടെ മാത്രമേ വളരുന്ന തലമുറയില്‍ അസഹിഷ്ണുതക്കും അനൈക്യചിന്തകള്‍ക്കും അറുതിവരുത്താന്‍ കഴിയുകയുള്ളൂവെന്ന്  ഇന്ത്യന്‍ ഇസ്‌ലാഹീ മൂവ്‌മെന്റ് ജനറല്‍ സെക്രട്ടറി ഡോ. ഹുസൈന്‍ മടവൂര്‍ അഭിപ്രായപ്പെട്ടു.  
ഭീകരതക്കും തീവ്രവാദത്തിനുമെതിരേ പ്രവര്‍ത്തകരെ ബോധവല്‍ക്കരിക്കുക എന്ന ലക്ഷ്യത്തോടെ കെ.എന്‍.എം. കോഴിക്കോട് സൗത്ത് ജില്ലാ കമ്മിറ്റി കെ.പി.കേശവമേനോന്‍ ഹാളില്‍ സംഘടിപ്പിച്ച 'ഉണര്‍വ്വ് 2016' പരിപാടി ഉദ്ഘാടനം ചെയ്യുകയായിരുന്നു അദ്ദേഹം.
അഡ്വ: പി.എം ഹനീഫ് അധ്യക്ഷനായി. എ.അസ്ഗറലി, യു.പി.യഹ്‌യാ ഖാന്‍, അബ്ദുല്‍ അസീസ്, സി. മരക്കാരുട്ടി, യൂനുസ് നരിക്കുനി, നബീല്‍ ഫാറൂഖി, സുബൈദ പാലത്ത് പ്രസംഗിച്ചു.