കൊടുവള്ളി: മനുഷ്യരക്തത്തിന്റെ നിറമൊന്നാണെന്നും രാജ്യത്തു മതമൈത്രി നിലനില്‍ക്കേണ്ടത് അനിവാര്യമാണെന്നും ഗാനരചയിതാവ് കൈതപ്രം ദാമോദരന്‍ നമ്പൂതിരി പറഞ്ഞു.
പൂത്തൂര്‍ ശിഹാബ് തങ്ങള്‍ ചാരിറ്റബിള്‍ ഫോറവും മുസ്‌ലിം ലീഗും സംയുക്തമായി നിര്‍ധന കുടുംബത്തിന് നിര്‍മിച്ചു നല്‍കുന്ന ബൈത്തുറഹ്മയുടെ ശിലാസ്ഥാപനം നിര്‍വഹിച്ച് സംസാരിക്കുകയായിരുന്നു അദ്ദേഹം.
പി.ടി അബ്ദുല്‍ നാസര്‍ അധ്യക്ഷനായി. എം.എ റസാഖ് മാസ്റ്റര്‍, റവ. ഫാദര്‍ ജോണ്‍സണ്‍ പാഴുക്കുന്നേല്‍, ഇബ്രാഹിം എളേറ്റില്‍, കുഞ്ഞാലന്‍ കുട്ടി ഫൈസി, ടി.കെ മുഹമ്മദ് മാസ്റ്റര്‍, സി.കെ ഖാസിം, യു.കെ അബു സംസാരിച്ചു. കെ.പി സൈനുദ്ദീന്‍ സ്വാഗതവും പി.സി മൂസ നന്ദിയും പറഞ്ഞു.