കോട്ടയം: ദേശീയ ഗ്രാമീണ ഉപജീവന മിഷന്‍ കുടുംബശ്രീ മിഷന്‍ വഴി വൈക്കം ബ്ലോക്കില്‍ നടപ്പിലാക്കുന്ന സ്റ്റാര്‍ട്ട് അപ് വില്ലേജ് എന്റര്‍പ്രണര്‍ഷിപ്പ് പ്രോഗ്രാം പദ്ധതിയിലേക്ക് മൈക്രോ എന്റര്‍പ്രൈസസ് കണ്‍സള്‍ട്ടന്റുമാരെ (എം.ഇ.സി) നിയമിക്കുന്നു.
വൈക്കം ബ്ലോക്കിലോ തലയോലപ്പറമ്പ്, വെള്ളൂര്‍, കല്ലറ, ആര്‍പ്പൂക്കര എന്നീ ഗ്രാമ പഞ്ചായത്തുകളിലെ സ്ഥിരതാമസക്കാരായ 21 നും 45 നും മധ്യേ പ്രായമുളള കുടുംബശ്രീ അംഗങ്ങള്‍ക്കും കുടുംബശ്രീ കുടുംബാംഗങ്ങള്‍ക്കും അപേക്ഷിക്കാം. പ്ലസ് ടൂവും കംപ്യൂട്ടര്‍ പരിജ്ഞാനവുമാണ് യോഗ്യത. പാരിതോഷികം പ്രവര്‍ത്തനത്തിന്റെ അടിസ്ഥാനത്തില്‍ നിശ്ചയിക്കും.
ചെറുകിട സംരംഭ മേഖലകളില്‍ മുന്‍പരിചയമുളളവര്‍ക്ക് മുന്‍ഗണന. പ്രാഥമിക ഘട്ടത്തില്‍ തിരഞ്ഞെടുക്കപ്പെടുന്നവര്‍ തിരുവനന്തപുരത്ത് നടക്കുന്ന നാല് ദിവസത്തെ റസിഡന്‍ഷ്യല്‍ പരിശീലനത്തില്‍ പങ്കെടുക്കണം. വിശദമായ ബയോഡാറ്റയും സര്‍ട്ടിഫിക്കറ്റിന്റെ പകര്‍പ്പും ജില്ലാ മിഷന്‍ ഓഫിസില്‍ നേരിട്ടോ ജില്ലാ മിഷന്‍ കോര്‍ഡിനേറ്റര്‍, കുടുംബശ്രീ ജില്ലാ മിഷന്‍, കലക്ടട്രറ്റ്, കോട്ടയം എന്ന വിലാസത്തിലോ സമര്‍പ്പിക്കാം. അപേക്ഷ 18 വരെ സ്വീകരിക്കും. കൂടുതല്‍ വിവരങ്ങള്‍ക്ക് ഓഫിസില്‍ ബന്ധപ്പെടുക. ഫോണ്‍: 0481 2302049