തൊടുപുഴ: വിദ്യാര്‍ഥികളില്‍ പരിസ്ഥിതി സംരക്ഷണത്തിന്റെ സന്ദേശം പകര്‍ന്ന് കൊണ്ട് ജൈവവൈവിധ്യ രഥം രണ്ടാം ഘട്ട പ്രയാണം തൊടുപുഴ സെന്റ് സെബാസ്റ്റ്യന്‍സ് ഹൈസ്‌കൂളില്‍ നിന്നും ആരംഭിച്ചു.
കേരള സംസ്ഥാന ജൈവ വൈവിധ്യ ബോര്‍ഡ് കെ.എസ്.ആര്‍.ടി.സി.യുമായി സഹകരിച്ചാണ് പ്രദര്‍ശന വാഹനം രൂപകല്‍പന ചെയ്തിരിക്കുന്നത്.
സ്‌കൂള്‍ ഹെഡ്മിസ്ട്രസ്സ് സിസ്റ്റര്‍ ലിസ പ്രദര്‍ശനം ഉദ്ഘാടനം ചെയ്തു. ജൈവ വൈവിധ്യ ബോര്‍ഡ് ജില്ലാ കോര്‍ഡിനേറ്റര്‍ എന്‍. രവീന്ദ്രന്‍ ചടങ്ങില്‍ അധ്യക്ഷനായി.
രഥത്തിന്റെ പ്രദര്‍ശനം കുണിഞ്ഞി സെന്റ് ആന്റണീസ് ഹൈസ്‌കൂളിലും നടത്തി.
രാവിലെയും ഉച്ചയ്ക്കുമായി രണ്ട് പ്രദര്‍ശനമാണ് നടത്തുന്നത്. 13 ന് ഗവണ്‍മെന്റ് ഹൈസ്‌കൂള്‍ കാഞ്ഞിരമറ്റം, മാര്‍ മാത്യൂസ് യു.പി സ്‌കൂള്‍ മീമ്മുട്ടി, 14 ന് സെന്റ് തോമസ് യു.പി സ്‌കൂള്‍ ചെപ്പുകുളം, സെന്റ് ജോസഫ്‌സ് യുപി സ്‌കൂള്‍ ചുങ്കം, 15 ന് സെന്റ് മേരീസ് ഹൈസ്‌കൂള്‍ കാളിയാര്‍, എസ്എന്‍എം ഹൈസ്‌കൂള്‍ വണ്ണപ്പുറം, 16 ന് എംകെഎന്‍എം ഹൈസ്‌കൂള്‍ കുമാരമംഗലം, സെന്റ് തോമസ് യുപി സ്‌കൂള്‍ അറക്കുളം, 18 ന് ഗവണ്‍മെന്റ് യുപി.സ്‌കൂള്‍ നെടുമറ്റം, സെന്റ് മേരീസ് ഹൈസ്‌കൂള്‍ കോടിക്കുളം, 19 ന് ഗവണ്‍മെന്റ് ഹൈസ്‌കൂള്‍ മുള്ളരിങ്ങാട്, എസ്എന്‍ ഹൈസ്‌കൂള്‍ നങ്കിസിറ്റി, 20 ന് ഗവണ്‍മെന്റ് എല്‍.പി സ്‌കൂള്‍ കീരിത്തോട്, ഗവണ്‍മെന്റ് ഹൈസ്‌കൂള്‍ വാല്‍പ്പാറ (കഞ്ഞിക്കുഴി), 22 ന് എസ്.എന്‍ യു.പി സ്‌കൂള്‍ ചുരുളി, ഗവണ്‍മെന്റ് ഹൈസ്‌കൂള്‍ തങ്കമണി, 25 ന് സെന്റ് ജോര്‍ജ്ജ് യുപി സ്‌കൂള്‍ വാഴത്തോപ്പ്, ഗവണ്‍മെന്റ് ഹയര്‍ സെക്കന്‍ഡറി സ്‌കൂള്‍ മണിയാറന്‍കുടി എന്നിവിടങ്ങളിലാണ് രണ്ടാം ഘട്ട പ്രയാണം നടത്തുന്നത്.