കല്‍പ്പറ്റ: കേന്ദ്ര സര്‍ക്കാര്‍ തൊഴില്‍ നിയമങ്ങള്‍ ഭേദഗതി ചെയ്യുന്നത് തൊഴിലാളികളോട് കാണിക്കുന്ന കടുത്ത ദ്രോഹമാണെന്ന് എ.ഐ.ടി.യു.സി സംസ്ഥാന വര്‍ക്കിങ് പ്രസിഡന്റ് ജെ. ഉദയഭാനു അഭിപ്രായപ്പെട്ടു. സെപ്റ്റംബര്‍ രണ്ടിന് ദേശവ്യാപകമായി നടക്കുന്ന 24 മണിക്കൂര്‍ പണിമുടക്കിനോടനുബന്ധിച്ച് സംയുക്ത ട്രേഡ് യൂനിയന്‍ ജില്ലാ സമിതിയുടെ നേനൃത്വത്തില്‍ കല്‍പ്പറ്റയില്‍ നടത്തിയ ധര്‍ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
നേടിയെടുത്ത അവകാശങ്ങള്‍ ആരുംതന്നെ അട്ടിമറിക്കാന്‍ ശ്രമിച്ചാലും ശക്തമായി നേരിടുമെന്നും അദ്ദേഹം പറഞ്ഞു. എന്‍.ഒ ദേവസി അധ്യക്ഷനായി. പി.കെ മൂര്‍ത്തി, പി.പി ആലി, കെ. ശ്രീനിവാസന്‍, വി.വി ബേബി, പി. ഗഗാറിന്‍, കെ. സുഗതന്‍, എസ്.ജി സുകുമാരന്‍, സി.എസ് സ്റ്റാന്‍ലിന്‍, എ.എ സുധാകരന്‍, സാം പി മാത്യു, സലീംകുമാര്‍, ഗിരീഷ് കല്‍പ്പറ്റ, യു.എ ഖാദര്‍, ഡി. രാജന്‍, സി. മൊയ്തീന്‍കുട്ടി, വി. യൂസഫ്, എ. ബാലചന്ദ്രന്‍, ബി. സുരേഷ്ബാബു, പി.കെ കുഞ്ഞിമൊയ്തീന്‍, കെ.ടി ബാലകൃഷ്ണന്‍, ഇബ്‌റാഹിം പടയന്‍ സംസാരിച്ചു.