കോഴിക്കോട്: അപ്പോളോ ബില്‍ഡേഴ്‌സിന്റെ ഹോട്ടല്‍ ശൃംഖലയായ അപ്പോളോ ഡിമോറയുടെ രണ്ടാമത് ഹോട്ടല്‍ സമുച്ചയത്തിന്റെ ലോഞ്ചിങ് കോഴിക്കോട് താജ് ഹോട്ടലില്‍ മേയര്‍ തോട്ടത്തില്‍ രവീന്ദ്രന്‍ നിര്‍വഹിച്ചു.കോഴിക്കോട് തൊണ്ടയാട് ബൈപ്പാസില്‍ ഗവണ്‍മെന്റ്, യു.എല്‍.സി.സി സൈബര്‍ പാര്‍ക്കുകള്‍ക്ക് സമീപത്ത് ഹൈവേക്ക് അഭിമുഖമായി 1.75 ഏക്കര്‍ ഭൂമിയിലാണ് രണ്ട് ലക്ഷം ചതുരശ്ര അടിയില്‍ 85 റൂമുകളുള്ള ഹോട്ടല്‍ സമുച്ചയവും 63 യൂനിറ്റുകളുള്ള സര്‍വീസ് അപാര്‍ട്ട്്‌മെന്റുകളും ഉള്‍പ്പെടുന്ന ബിസിനസ് ക്ലാസ് ഹോട്ടല്‍ കോംപ്ലക്‌സ് നിര്‍മിക്കുന്നത്. മള്‍ട്ടി ക്യുസിന്‍ റെസ്റ്റോറന്റുകള്‍, കോഫീഷോപ്പ്, ബാങ്ക്വറ്റ്ഹാള്‍, ബോര്‍ഡ് റൂമുകള്‍, കോണ്‍ഫറന്‍സ് ഹാളുകള്‍, സ്വിമ്മിങ് പൂള്‍, സ്പാ തുടങ്ങിയ സൗകര്യങ്ങളോട് കൂടിയ ഹോട്ടല്‍ 2019 ഡിസംബറില്‍ നിര്‍മാണം പൂര്‍ത്തീകരിച്ച് ഉദ്ഘാടനം ചെയ്യും. ചടങ്ങില്‍ വാര്‍ഡ് കൗണ്‍സിലര്‍ എം.പി സുരേഷ്, അപ്പോളോ ബില്‍ഡേഴ്‌സ് ചെയര്‍മാന്‍ സി.പി മൂസ ഹാജി, മാനേജിങ് ഡയറക്ടര്‍ എം.ഇബ്രാഹിംകുട്ടി എഞ്ചിനീയര്‍, എക്‌സിക്യൂട്ടീവ് ഡയറക്ടര്‍ ഒ.എം.എ റഷീദ്, ഡയറക്ടര്‍ കൂളത്ത് അബ്ദുറഹ്മാന്‍ സംബന്ധിച്ചു.