നിലവിൽ ലോക ഫുട്ബോളിൽ ഏറ്റവും മികച്ച യുവതാരങ്ങളിൽ ഒരാളാണ് സ്പാനിഷ് യുവതാരം ലാമിൻ യമാൽ. ഇപ്പോൾ ഫുട്ബോളിൽ യമാൽ നടത്തിക്കൊണ്ടിരിക്കുന്ന മികച്ച പ്രകടനങ്ങളെ പ്രശംസിച്ചുകൊണ്ട് സംസാരിക്കുകയാണ് മുൻ ബാഴ്സലോണ താരം ഡെക്കോ. യമാൽ ഒരു പ്രതിഭാസമാണെന്നും ബാഴ്സലോണക്കായി കിരീടങ്ങൾ നേടാൻ റയലിനെതിരെ മികച്ച പോരാട്ടങ്ങൾ യമാൽ നടത്തേണ്ടി വരുമെന്നുമാണ് ഡെക്കോ അഭിപ്രായപ്പെട്ടത്. 

''ലാമിൻ ഒരു പ്രതിഭാസമാണ്. ലോകത്തിലെ ഏറ്റവും മികച്ച കളിക്കാരനാകുക എന്നത് അദ്ദേഹത്തെ ആശ്രയിച്ചിരിക്കുന്നു. അടുത്ത കുറച്ച് വർഷങ്ങളിൽ എഫ്‌സി ബാഴ്‌സലോണക്കായി കിരീടങ്ങൾ നേടാൻ അദ്ദേഹം റയൽ മാഡ്രിഡിനൊപ്പം മത്സരിക്കും. ഫുട്ബോളിലെ ഏറ്റവും മികച്ച വേദിയിൽ പോരാടാൻ അദ്ദേഹത്തിന് കഴിയും. അദ്ദേഹം ഏറ്റവും മികച്ച സ്ഥലത്താണ് ഉള്ളത്'' ഡെക്കോ ബാഴ്സ യൂണിവേഴ്സലിന് നൽകിയ അഭിമുഖത്തിൽ പറഞ്ഞു. 

ALSO READ: You’ll Never Walk Alone; ജോട്ടക്ക് ആദരസൂചകമായി വൈകാരികമായ തീരുമാനവുമായി ലിവർപൂൾ

ബാഴ്സലോണക്ക് വേണ്ടി ഇതിനോടകം തന്നെ തകർപ്പൻ പ്രകടനമാണ് യമാൽ പുറത്തെടുത്തുകൊണ്ടിരിക്കുന്നത്. ബാഴ്സയ്ക്ക് വേണ്ടി ഇതുവരെ 106 മത്സരങ്ങളിൽ നിന്നും 25 ഗോളുകളും 34 അസിസ്റ്റുകളും ആണ് നേടിയിട്ടുള്ളത്. 2023ൽ തന്റെ പതിനഞ്ചാം വയസ്സിലായിരുന്നു കറ്റാലൻമാർക്ക് വേണ്ടി യമാൽ ആദ്യമായി ബൂട്ട് കെട്ടിയത്. ബാഴ്സക്കൊപ്പം ഈ സീസണിൽ മൂന്ന് കിരീടങ്ങളാണ് യമാൽ നേടിയത്.കോപ്പ ഡെൽ റേ, സൂപ്പർകോപ്പ ഡി എസ്‌പാന, ലാലിഗ എന്നീ കിരീടങ്ങളാണ് ബാഴ്സലോണ ഈ സീസണിൽ നേടിയത്. 

രാജ്യാന്തര തലത്തിൽ സ്പാനിഷ് ടീമിന് വേണ്ടിയും ശ്രദ്ധേയമായ പ്രകടനങ്ങൾ പുറത്തെടുക്കാൻ യമാലിന് സാധിച്ചിട്ടുണ്ട്. സ്പാനിഷ് ടീമിനൊപ്പം 2024 യൂറോ കപ്പ് സ്വന്തമാക്കാനും ലാമിന് സാധിച്ചിട്ടുണ്ട്. ഈ വർഷത്തെ യുവേഫ നേഷൻസ് ലീഗ് വരെ മുന്നേറാനും സ്പാനിഷ് ടീമിന് സാധിച്ചു. എന്നാൽ ഫൈനൽ പോരാട്ടത്തിൽ പോർച്ചുഗലിനോട് പരാജയപ്പെട്ട് സ്പെയ്നിന് കിരീടം നഷ്ടമാവുകയായിരുന്നു. 

Spanish youngster Lamine Yamal is currently one of the best young players in world football. Former Barcelona player Deco is speaking out, praising Yamal's excellent performances in football.