തിരുവനന്തപുരം: തിരുവനന്തപുരത്ത് കുളത്തിൽ കുളിയ്ക്കാൻ ഇറങ്ങിയ രണ്ട് കുട്ടികൾ മുങ്ങിമരിച്ചു. കൂശർകോട് സ്വദേശികളായ ആരോമൽ (13), ഷിനിൽ (14) എന്നിവരാണ് മരിച്ചത്. നെടുമങ്ങാട് - വേങ്കവിളയിൽ നീന്തൽ പരിശീലന കുളത്തിൽ കുളിക്കുന്നതിനിടെയാണ് കുട്ടികൾ അപകടത്തിൽ പെട്ടത്. ഇന്ന് ഉച്ചയ്ക്ക് ഒന്നരയോടെയാണ് അപകടമുണ്ടായത്.

ആനാട് ഗ്രാമപഞ്ചായത്തിന് കീഴിലുള്ള നീന്തൽ പരിശീലന കുളത്തിൽ കുളിക്കുന്നതിനിടെയാണ് അപകടം ഉണ്ടായത്. പരിശീലന സമയത്ത് ആയിരുന്നില്ല കുട്ടികൾ എത്തിയത് എന്നാണ് വിവരം. രാവിലെയും വൈകുന്നേരവുമാണ് പഞ്ചായത്തിന്റെ കീഴിൽ ഇവിടെ നീന്തൽ പരിശീലനം നടക്കാറുള്ളത്. മറ്റു സമയങ്ങളിൽ ഇവിടെ അടഞ്ഞുകിടക്കാറാണ് ഉള്ളത്. 

എന്നാല്‍ ഉച്ചയോടെ കുട്ടികളെത്തി കുളത്തില്‍ ഇറങ്ങുകയുമായിരുന്നു. കുട്ടികൾ മതിൽ ചാടിയാണ് നീന്തൽ കുളത്തിലെത്തിയതെന്നാണ് വിവരം. കുളത്തിൽ മുങ്ങിയതോടെ ശബ്ദം കേട്ട് നാട്ടുകാർ ഓടിയെത്തി കുട്ടികളെ ആശുപത്രിയിലേക്ക് കൊണ്ടുപോയി. എന്നാൽ അപ്പോഴേക്കും മരണം സംഭവിച്ചിരുന്നു. മൃതദേഹം നെടുമങ്ങാട് ജില്ലാ ആശുപത്രിയിൽ സൂക്ഷിച്ചിരിക്കുകയാണ്. 

In a heartbreaking incident, two children drowned while swimming in a training pond in Nedumangad–Vengavila, Thiruvananthapuram. The deceased have been identified as Aromal (13) and Shinil (14), both residents of Koosarkode. The tragedy occurred around 1:30 PM today, while the boys were swimming in a pool designated for swimming training.