നിലവിൽ ലോക ഫുട്ബോളിൽ ഏറ്റവും മികച്ച യുവതാരങ്ങളിൽ ഒരാളാണ് സ്പാനിഷ് യുവതാരം ലാമിൻ യമാൽ. അർജന്റൈൻ ഇതിഹാസ താരമായ ലയണൽ മെസിയുമായി പല താരങ്ങളും പരിശീലകരും യമാലിനെ താരതമ്യം ചെയ്യുന്നുണ്ട്. ഇപ്പോൾ ലാമിൻ യമാലിനെ ബ്രസീലിയൻ സൂപ്പർതാരം നെയ്മറുമായി താരതമ്യപ്പെടുത്തിയിരിക്കുകയാണ് മുൻ ബാഴ്സലോണ താരം ഡെക്കോ. ബാഴ്സ യൂണിവേഴ്സലിനു നൽകിയ അഭിമുഖത്തിൽ സംസാരിക്കുകയായിരുന്നു ഡെക്കോ. 

''ഫുട്ബോളിലെ ലാമിനെയുടെ തുടക്കം നെയ്മറിന്റെ തുടക്കവുമായി വളരെ സാമ്യമുള്ളതാണ്. അവന് മികച്ച പക്വത ലഭിച്ചു. ഇപ്പോൾ ഒരു ഫുട്ബോൾ താരമെന്ന നിലയിൽ അദ്ദേഹത്തിന് കൂടുതൽ ഉത്തരവാദിത്തങ്ങളുണ്ട്. എന്നാൽ അവൻ ഇപ്പോൾ ചെറിയ പ്രായത്തിലുമാണ്. 30 വയസ്സാകുമ്പോൾ അദ്ദേഹം ചെയ്യുന്ന കാര്യങ്ങൾ എന്തൊക്കെയാണെന്ന് നോക്കണം'' ഡെക്കോ പറഞ്ഞു. 

ബാഴ്സലോണക്ക് വേണ്ടി ഇതിനോടകം തന്നെ തകർപ്പൻ പ്രകടനമാണ് യമാൽ പുറത്തെടുത്തുകൊണ്ടിരിക്കുന്നത്. ബാഴ്സയ്ക്ക് വേണ്ടി ഇതുവരെ 106 മത്സരങ്ങളിൽ നിന്നും 25 ഗോളുകളും 34 അസിസ്റ്റുകളും ആണ് നേടിയിട്ടുള്ളത്. 2023ൽ തന്റെ പതിനഞ്ചാം വയസ്സിലായിരുന്നു കറ്റാലൻമാർക്ക് വേണ്ടി യമാൽ ആദ്യമായി ബൂട്ട് കെട്ടിയത്. രാജ്യാന്തര തലത്തിൽ സ്പാനിഷ് ടീമിന് വേണ്ടിയും ശ്രദ്ധേയമായ പ്രകടനങ്ങൾ പുറത്തെടുക്കാൻ യമാലിന് സാധിച്ചിട്ടുണ്ട്. സ്പാനിഷ് ടീമിനൊപ്പം 2024 യൂറോ കപ്പ് സ്വന്തമാക്കാനും ലാമിന് സാധിച്ചിട്ടുണ്ട്.

Spanish youngster Lamine Yamal is currently one of the best young players in world football. Now, former Barcelona player Deco has compared Lamine Yamal to Brazilian superstar Neymar.