കൊച്ചി: കാർ സ്റ്റാർട്ട് ചെയ്യവേ കാർ പൊട്ടിത്തെറിച്ച് പൊള്ളലേറ്റ് ഗുരുതരാവസ്ഥയിൽ ചികിത്സയിലായിരുന്നു സഹോദരങ്ങൾ മരിച്ചു. എലീന മറിയം(4), ആൽഫിൻ(6) എന്നിവരാണ് മരിച്ചത്. അപകടത്തിൽ ഇരുവരുടെയും ആന്തരികാവയങ്ങളെ അടക്കം പൊള്ളൽ ബാധിച്ചെന്ന് ഡോക്ടർമാർ നേരത്തെ പറഞ്ഞിരുന്നു. 

അപകടത്തിൽ ഗുരുതരാവസ്ഥയിൽ തുടരുകയാണ് എലീനയുടെ മാതാവ് എൽസി മാർട്ടിൻ, മകൾ അലീന എന്നിവർ. പാലക്കാടിന് അത്തിക്കോടിൽ ഇന്നലെ വൈകിട്ട് 5.30യോടെയാണ് അപകടം നടന്നത്. മാരുതി 800 കാറിലെ ഗ്യാസ് ചോർച്ച മൂലമാണ് അപകടം സംഭവിച്ചതെന്നാണ് പ്രാഥമിക നിഗമനം. വീടിന് സമീപം നിർത്തിയിട്ടിരുന്ന കാറിൽ കുട്ടികൾ കയറി കീ തിരിച്ചതോടെയാണ് പൊട്ടിത്തെറി ഉണ്ടായത്. ശബ്ദം കേട്ട് ഓടിയെത്തിയ നാട്ടുകാരാണ് പരുക്കേറ്റവരെ ഉടൻ ആശുപത്രിയിൽ എത്തിച്ചത്.