കൊച്ചി: ജോണ്‍ എബ്രഹാം പുരസ്‌കാരങ്ങള്‍ക്കായി ഫിലിം സൊസൈറ്റി ഫെഡറേഷന്‍ അഖിലേന്ത്യാതലത്തില്‍ നടത്തുന്ന ഹ്രസ്വചിത്ര ഡോക്യുമെന്ററി ചലച്ചിത്രമേള സൈന്‍സ് 26 മുതല്‍ 30 വരെ എറണാകുളം ടൗണ്‍ ഹാളില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
എറണാകുളം പ്രസ് ക്ലബ്ബ്, ചാവറ കള്‍ച്ചറല്‍ സെന്റര്‍ എന്നിവയുടെ സഹകരണത്തോടെ സംഘടിപ്പിക്കുന്ന മേള അടൂര്‍ ഗോപാലകൃഷ്ണന്‍ ഉദ്ഘാടനം ചെയ്യും. വിവിധ ഭാഷകളില്‍ നിന്നും തെരഞ്ഞെടുത്ത മത്സരചിത്രങ്ങളുള്‍പ്പെടെ 110 ചിത്രങ്ങള്‍ രണ്ട് വേദികളിലായി മേളയില്‍ പ്രദര്‍ശിപ്പിക്കും. പ്രവേശനം സൗജന്യമാണ്.
ഫെഡറേഷന്‍ ഓഫ് ഫിലിം സൊസൈറ്റീസ് ഓഫ് ഇന്ത്യയുടെ സംസ്ഥാന സെക്രട്ടറി വി.കെ ജോസഫ്, പ്രസ്‌ക്ലബ് പ്രസിഡന്റ് ഡി ദിലീപ് കുമാര്‍, ആര്‍ട്ടിസ്റ്റ് ടി കലാധരന്‍, കെ.ജി മോഹന്‍കുമാര്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.