തിരുവനന്തപുരം: ഉപതെരഞ്ഞെടുപ്പ് നടന്ന പന്ത്രണ്ട് തദ്ദേശ സ്വയംഭരണ വാര്‍ഡുകളില്‍ യു.ഡി.എഫും എല്‍.ഡി.എഫും ആറു വീതം സീറ്റുകള്‍ നേടിയതായി സംസ്ഥാന തെരഞ്ഞെടുപ്പ് കമ്മീഷണര്‍ വി ഭാസ്‌കരന്‍ അറിയിച്ചു.

യു.ഡി.എഫ് വിജയിച്ചത്: മലപ്പുറം പെരുവള്ളൂര്‍ കൊല്ലംചിന ഖദീജ കെ.ടി 469, കണ്ണൂര്‍ രാമന്തളി രാമന്തളി സെന്‍ട്രല്‍ രാജേന്ദ്രകുമാര്‍ കെ.പി 23, കണ്ടല്ലൂര്‍ കൊപ്പാറേത്ത് എച്ച്.എസ് തയ്യില്‍ പ്രസന്നകുമാരി 235, കോഴിക്കോട് തിക്കൊടി പുറക്കാട് രാഘവന്‍ 215, ആലപ്പുഴ ചേര്‍ത്തല തെക്ക് കളരിക്കല്‍ മിനി കുഞ്ഞപ്പന്‍ 177, മലപ്പുറം തിരൂര്‍ നഗരസഭയിലെ തുമരക്കാവ് നെടിയില്‍ മുസ്തഫ 2,

എല്‍.ഡി.എഫ് വിജയിച്ച വാര്‍ഡ്, സ്ഥാനാര്‍ത്ഥി, ഭൂരിപക്ഷം, എന്നിവ ക്രമത്തില്‍.

കൊല്ലം ആദിച്ചനല്ലൂര്‍ തഴുത്തല തെക്ക് ഹരിലാല്‍ 41, തേവലക്കര കോയിവിള പടിഞ്ഞാറ് പി. ഓമനക്കുട്ടന്‍ 139, കോട്ടയംപാമ്പാടി കാരിയ്ക്കാമറ്റം മധുകുമാര്‍.കെ.എസ് 247, കാഞ്ഞിരപ്പള്ളി മാനിടുംകുഴി കുഞ്ഞുമോള്‍ ജോസ് 145, വയനാട് കല്‍പ്പറ്റ നഗരസഭയിലെ മുണ്ടേരി ബിന്ദു 92, ആലപ്പുഴ ചെങ്ങന്നൂര്‍ ബ്ലോക്ക് പഞ്ചായത്തിലെ വെണ്മണി വെസ്റ്റ്ശ്യാം കുമാര്‍ 1003.

കാഞ്ഞിരപ്പള്ളി ഗ്രാമപഞ്ചായത്തിലെ മാനിടുംകുഴി, ചെങ്ങന്നൂര്‍ ബ്ലോക്ക് പഞ്ചായത്തിലെ വെണ്മണി വെസ്റ്റ് എന്നിവ യു.ഡി.എഫില്‍ നിന്നും എല്‍.ഡി.എഫ് പിടിച്ചെടുത്തപ്പോള്‍ ആലപ്പുഴ കണ്ടല്ലൂര്‍ ഗ്രാമപഞ്ചായത്തിലെ കൊപ്പാറേത്ത് എച്ച്.എസ്.എല്‍ എല്‍.ഡി.എഫില്‍ നിന്നും യു.ഡി.എഫ് പിടിച്ചെടുത്തു.