മഡ്ഗാവ്: കേരളത്തിന്റെ സ്വന്തം ടീം ഗോകുലം എഫ്.സി പ്രഥമ എ.ഡബ്ല്യു.ഇ.എസ് കപ്പിന്റെ ഫൈനലില്‍. സെമിയില്‍ കരുത്തരായ സാല്‍ഗോക്കറിനെ 1-0ത്തിന് കീഴടക്കിയാണ് ഗോകുലം കലാശപ്പോരിനെത്തിയത്. അവസാന നിമിഷങ്ങളില്‍ അഡലജെ നേടിയ ഏക ഗോളാണ് കേരള ടീമിന് വിജയവും ഫൈനല്‍ ബര്‍ത്തും ഉറപ്പാക്കിയത്. നാളെ നടക്കുന്ന ഫൈനലില്‍ ഡെംപോ എഫ്.സിയെയാണ് ഗോകുലം നേരിടുന്നത്. പൂനെ സിറ്റിയെ പരാജയപ്പെടുത്തിയാണ് ഡെംപോ കലാശപ്പോരിന് അര്‍ഹരായത്.