ന്യൂഡല്‍ഹി:  ഇന്ത്യയിലേക്ക് നുഴഞ്ഞുകയറാന്‍ ശ്രമിച്ച രണ്ട് തീവ്രവാദികളെ സൈന്യം വധിച്ചു. കുപ്‌വാര ജില്ലയിലെ മാചില്‍ സെക്ടറിലാണ് സൈന്യം തീവ്രവാദികളുമായി ഏറ്റുമുട്ടിയത്.

പ്രദേശത്ത് പരിശോധന നടത്തുന്നുതിനിടെ തീവ്രവാദികള്‍ നുഴഞ്ഞുകയറാന്‍ ശ്രമിക്കുന്നത് ശ്രദ്ധയില്‍ പെട്ട സൈന്യം വെടിയുതിര്‍ക്കുകയായിരുന്നു. തീവ്രവാദികളില്‍ നിന്ന് ആയുധങ്ങള്‍ പിടിച്ചെടുത്തതായും റിപ്പോര്‍ട്ടുകളുണ്ട്.

ഇതേ സ്ഥലത്ത് കഴിഞ്ഞ ആഗസ്റ്റില്‍ അഞ്ച് നുഴഞ്ഞുകയറ്റക്കാരെ സൈന്യം വധിച്ചിരുന്നു. ജൂലൈ 23ന് സമാനമായൊരു നൂഴഞ്ഞ് കയറ്റശ്രമം സൈന്യം പരാജയപ്പെടുത്തിയിരുന്നു.