തൃക്കരിപ്പൂര്‍: കൊയ്‌തെടുക്കാന്‍ പാകമായ ഏക്കര്‍ കണക്കിനു നെല്‍ക്കതിരുകള്‍ കനത്ത മഴയില്‍ വെള്ളം കയറി നശിച്ചു.
തൃക്കരിപ്പൂര്‍ എടാട്ടുമ്മല്‍, ചെറുകാനം, കുട്ടനാടി പ്രദേശങ്ങളിലാണു നാശനഷ്ടം കുടുതല്‍. തരിശിട്ട ഒന്നര ഏക്കര്‍ പാടത്ത് തൃക്കരിപ്പൂര്‍ എടാട്ടുമ്മല്‍ റെഡ്സ്റ്റാര്‍ സ്‌പോര്‍ട്‌സ് ക്ലബ് പ്രവര്‍ത്തകര്‍ ജൈവ നെല്‍കൃഷി ആരംഭിച്ചിരുന്നു.
കൊയ്‌തെടുക്കാന്‍ ഏതാനും ദിവസം മാത്രം ബാക്കിയിരിക്കെയാണു രണ്ടുദിവസമായി കനത്തു പെയ്യുന്ന മഴയില്‍ പാടത്ത് വെള്ളം കയറി നെല്‍ക്കതിരുകള്‍ മുഴുവനായും വെള്ളത്തിലായത്. മഴവെള്ളത്തില്‍ നിരവധി പച്ചക്കറി കൃഷിക്കും നാശം നേരിട്ടിട്ടുണ്ട്.