മാപ്രാണം: നമ്പിയങ്കാവ് ക്ഷേത്രത്തിന് സമീപം കുഴിക്കാട്ടുകോണം ആനന്ദപുരം ബണ്ട് റോഡില്‍ കഴിഞ്ഞ ഞായറാഴ്ച്ചയാണ് സാമൂഹ്യവിരുദ്ധര്‍ മാംസ മാലിന്യം തള്ളിയത്. ടിപ്പറില്‍ കോഴി, പോത്ത് എന്നിവയുടെ മാംസ അവശിഷ്ടങ്ങളാണ് റോഡരികില്‍ തള്ളിയത്.
പുതുക്കാട് പൊലിസ് സംഭവത്തില്‍ വെള്ളിക്കുളങ്ങര സ്വദേശികളായ വടക്കന്‍ വീട്ടില്‍ ബാബു, കണേലി വീട്ടില്‍ റഹീം എന്നിവരെ അറസ്റ്റ് ചെയ്തിരുന്നു. മാലിന്യം തള്ളിയവരോട് പ്രദേശത്ത് നിന്ന് ഇത് നീക്കം ചെയ്യുവാനും പൊലിസ് നിര്‍ദേശിച്ചിരുന്നു. എന്നാല്‍ ഒരാഴ്ച്ച പിന്നിട്ടിട്ടും മാലിന്യം ഇവിടെ നിന്ന് നീക്കം ചെയ്തിട്ടില്ല. മാംസ മാലിന്യം മഴയില്‍ റോഡിലേക്കും മറ്റും വ്യാപിക്കുകയും റോഡിലൂടെ സഞ്ചരിക്കാന്‍ കഴിയാത്ത അവസ്ഥയിലുമാണ്. എത്രയും വേഗം മാലിന്യം ഇവിടെ നിന്നും നീക്കം ചെയ്യണമെന്നാണ് നാട്ടുകാരുടെ ആവശ്യം.