ലക്‌നോ: മുത്തലാഖും മറ്റും ഉയര്‍ത്തിയ വിമര്‍ശനങ്ങള്‍ക്കിടയില്‍ മുസ്‌ലിം സ്ത്രീകളുമായി സംവാദത്തിനൊരുങ്ങി പ്രധാനമന്ത്രി നരേന്ദ്ര മോദി. വെള്ളിയാഴ്ച ഉത്തര്‍പ്രദേശിലാണ് സംവാദം സംഘടിപ്പിക്കുന്നത്.

പരിപാടിക്ക് ആളുകളെ എത്തിക്കാന്‍ സംസ്ഥാനത്തെ മദ്രസകള്‍ക്ക് സര്‍ക്കാര്‍ നിര്‍ദ്ദേശം നല്‍കി. ഓരോ മദ്രസകളും 25 സ്ത്രീകളെയെങ്കിലും എത്തിക്കണമെന്നാണ് നിര്‍ദ്ദേശം.

ആളെക്കൂട്ടാനുള്ള സര്‍ക്കാര്‍ നിര്‍ദ്ദേശം കടുത്ത പ്രതിഷേധത്തിനിടയാക്കിയിരിക്കുകയാണ്. ബി.ജെ.പി പ്രവര്‍ത്തകരെ ഏല്‍പിക്കേണ്ട പണിയാണിതെന്ന് ടീച്ചേഴ്‌സ് അസോസിയേഷന്‍ മദാരിസ് അറേബ്യ ജനറല്‍ സെക്രട്ടറി ദീവാന്‍ സാഹിബ് സമ പ്രതികരിച്ചു.