ശ്രീകണ്ഠപുരം: കാര്‍ഷിക കടങ്ങള്‍ എഴുതി തള്ളുക, റബറിന് 200 രൂപ തറവില നിശ്ചയിച്ച് റബര്‍ ബോര്‍ഡ് സംഭരിക്കുക, കശാപ്പ് നിരോധന ഉത്തരവ് പിന്‍വലിക്കുക, അരി, മണ്ണെണ്ണ ക്വാട്ട വെട്ടിക്കുറച്ച് പുന:സ്ഥാപിക്കുക തുടങ്ങിയ ആവശ്യങ്ങള്‍ ഉന്നയിച്ച് സംയുക്ത കര്‍ഷക സമിതിയുടെ നേതൃത്വത്തില്‍ 25ന് നടത്തുന്ന കണ്ണൂര്‍ ഹെഡ് പോസ്റ്റ് ഓഫിസ് പിക്കറ്റിങിന് മുന്നോടിയായി വാഹന പ്രചാരണ ജാഥയ്ക്ക് ശ്രീകണ്ഠപുരം ടൗണില്‍ സ്വീകരണം നല്‍കി.
ജാഥാ ലീഡര്‍ എം. പ്രകാശന്‍, സി.എച്ച് കുഞ്ഞമ്പു, എം. പ്രദീപന്‍, ടി. വേലായുധന്‍, ടി.എം ജോഷി, ടി.കെ വത്സന്‍ സംസാരിച്ചു.