ദിയോറ: ഉത്തര്‍പ്രദേശിലെ ദിയോറയില്‍ ഒന്‍പതാം ക്ലാസ് വിദ്യാര്‍ഥിനിയെ സ്‌കൂളിനു മുകളില്‍ നിന്ന് എറിഞ്ഞു കൊലപ്പെടുത്തി. നെഹ്‌റു നഗറിലെ മോഡേണ്‍ സിറ്റി മോണ്ടിസോറി സ്‌കൂളിലെ വിദ്യാര്‍ഥിനിയാണ് കൊല്ലപ്പെട്ടത്. കുട്ടിയെ ആശുപത്രിയിലേക്ക് കൊണ്ടു പോകും വഴിയാണ് മരിച്ചത്. തന്നെ ആരോ പിന്നില്‍ നിന്ന് തള്ളിയിട്ടതാണെന്ന് മരിക്കുന്നതിന് തൊട്ടു മുന്‍പ്് കുട്ടി പറഞ്ഞതായി പിതാവ് പറഞ്ഞു.

സ്‌കൂളിലെ മറ്റു കുട്ടികളാണ് തന്റെ വീട്ടിലെത്തി സംഭവം അറിയിച്ചതെന്നും അധ്യാപകര്‍ തന്നെ അറിയിച്ചില്ലെന്നും പിതാവ് പറഞ്ഞു. താന്‍ എത്തിയാണ് കുട്ടിയെ മെഡിക്കല്‍ കോളജില്‍ പ്രവേശിപ്പിച്ചതെന്നും യാത്രാമധ്യേയാണ് തന്നെ ആരോ തള്ളിയിട്ടതാണെന്നും കുട്ടി പറഞ്ഞത്. എന്നാല്‍ ആശുപത്രിയിലെത്തുമ്പോഴേക്കും കുട്ടി മരിച്ചിരുന്നു.

എന്നാല്‍, തങ്ങള്‍ രക്ഷിതാവിനെ വിവരമറിയിച്ചിരുന്നുവെന്നും കുട്ടിയെ ഉടന്‍ തന്നെ ആശുപത്രിയില്‍ പ്രവേശിപ്പിച്ചിരുന്നുവെന്നും സ്‌കൂള്‍ പ്രിന്‍സിപ്പല്‍ മിതിലേഷ് മിശ്ര പറഞ്ഞു. സ്‌കൂളിലെ സി.സി.ടി.വി ക്യാമറകള്‍ കുറച്ചുദിവസമായി പ്രവര്‍ത്തനരഹിതമാണെന്നും അദ്ദേഹം കൂട്ടിച്ചേര്‍ത്തു.