കൊച്ചി:സംഗീത നാടക അക്കാദമി അധ്യക്ഷ കെ.പി.എ.സി ലളിത നടിയെ ആക്രമിച്ച കേസില്‍ റിമാന്‍ഡില്‍ കഴിയുന്ന ദിലീപിനെ ജയിലില്‍ സന്ദര്‍ശിച്ചതില്‍ തെറ്റൊന്നുമില്ലെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. തടവില്‍ കഴിയുന്ന ഒരാളെ വ്യക്തിപരമായ ബന്ധങ്ങളുടെ പേരില്‍ കണ്ടതില്‍ എന്ത് തെറ്റാണുള്ളതെന്നും അദ്ദേഹം ചോദിച്ചു. കൊച്ചിയില്‍ വാര്‍ത്താസമ്മേളനത്തില്‍ സംസാരിക്കുകയായിരുന്നു കോടിയേരി.

കെപിഎസി ലളിത ചെയ്തത് തെറ്റല്ലെന്നും ജയിലില്‍ തടവുകാരെ സന്ദര്‍ശിക്കുന്നത് രാഷ്ട്രീയ പ്രശ്‌നമായി ഉയര്‍ത്തികാട്ടേണ്ടതില്ലെന്നും കോടിയേരി പറഞ്ഞു. തടവുകാരെ വ്യക്തിപരമായി ബന്ധമുള്ളവര്‍ക്ക് ജയിലില്‍ സന്ദര്‍ശിക്കാമെന്നും, അത് രാഷ്ട്രീയ പ്രശ്‌നമില്ലെന്നും അദ്ദേഹം കൂട്ടിച്ചേര്‍ത്തു.