ചേപ്പാട് : കേന്ദ്ര-സംസ്ഥാന സര്‍ക്കാരുകള്‍ കര്‍ഷകരോടും കാര്‍ഷിക മേഖലയോടും പിന്‍തുടരുന്ന അവഗണനയ്‌ക്കെതിരെ കര്‍ഷകകോണ്‍ഗ്രസ് സംസ്ഥാനപ്രസിഡന്റ് ലാല്‍വര്‍ഗ്ഗീസ് കല്‍പ്പകവാടിയുടെ നേതൃത്വത്തില്‍ 26, 27, തീയതികളില്‍ സെക്രട്ടറിയേറ്റ് പടിക്കല്‍ നടത്തുന്ന രാപ്പകല്‍ സമരത്തില്‍ ഹരിപ്പാട്ട് നിന്നും 500 പേര്‍ പങ്കെടുക്കുവാന്‍ നിയോജകമണ്ഡലം കമ്മറ്റി തീരുമാനിച്ചു. യോഗത്തില്‍ ബിജു ബി ചിങ്ങോലി അദ്ധ്യക്ഷനായിരുന്നു. മുഞ്ഞിനാട് രാമചന്ദ്രന്‍ യോഗം ഉദ്ഘാടനം ചെയ്തു.
കെ.കെ.സി. നായര്‍, പ്രകാശ് ആലക്കോട്ട്, വേണു കെ നായര്‍ ചേപ്പാട്, എം. മോഹന്‍കുമാര്‍, എം.അബ്ദുള്‍ ഹമീദ്, പി.വിജയന്‍, ബീനാ മോഹന്‍, ശ്രീദേവി സോമന്‍ എന്നിവര്‍ സംസാരിച്ചു.