കരുളായി: കരുളായി ഗ്രാമപഞ്ചായത്തില്‍ നടപ്പാക്കുന്ന സമഗ്രവിദ്യാഭ്യാസ പദ്ധതിയുടെ ഭാഗമായി വാര്‍ഡുകള്‍ കേന്ദ്രീകരിച്ച് ക്യാംപയ്‌നുകള്‍ നടത്തി. സന്‍സദ് ആദര്‍ശ് ഗ്രാമയോജന (സാഗി)യില്‍ ഉള്‍പെടുത്തി നടപ്പാക്കുന്ന മാതൃക വില്ലേജിന്റെ ഭാഗമായാണ് കരുളായി ഗ്രാമപഞ്ചയാത്ത് സമ്പൂര്‍ണ സാക്ഷരത പഞ്ചായത്താക്കുന്നത്.
കേന്ദ്രവിദ്യാഭ്യാസ മന്ത്രാലയവും സംസ്ഥാന സാക്ഷരത മിഷനും സാഗിയും കരുളായി ഗ്രാമപഞ്ചായത്തും ചേര്‍ന്നാണ് സമ്പൂര്‍ണ സാക്ഷരത പദ്ധതി നടപ്പാക്കുന്നത്.
വിദ്യാഭ്യാസമില്ലാത്തവരെ ഏഴാം ക്ലാസും എസ്.എസ്.എല്‍.സിയില്ലാത്തവര്‍ക്ക് പത്താംതരം തുല്യത വിദ്യാഭ്യാസം നല്‍കുന്നതാണ് പദ്ധതി. പദ്ധതില്‍ അംഗങ്ങളെ ഉള്‍പെടുത്തുന്നതിനായി വീടുകള്‍ കയറിയിറങ്ങി നടത്തുന്ന ക്യാംപയ്ന്‍ പി.വി അബ്ദുല്‍വഹാബ് എം.പി ഉദ്ഘാടനം ചെയ്തു.

ഗ്രാമപഞ്ചയത്ത് പ്രസിഡന്റ് വി അസൈനാര്‍, കെ മനോജ്, ഷീബ പൂഴിക്കുത്ത്, പി.പി ഖദീജ, കെ നാസര്‍, ജെ രാധാകൃഷ്ണന്‍ സംബന്ധിച്ചു.