കല്‍പ്പറ്റ: ആലപ്പുഴയില്‍ ഏഷ്യാനെറ്റ് ഓഫിസ് ആക്രമിച്ച് വാഹനം ഉള്‍പ്പെടെ തകര്‍ത്ത സംഭവത്തില്‍ പത്രപ്രവര്‍ത്തക യൂനിയന്‍(കെ.യു.ഡബ്ല്യു.ജെ) ജില്ലാ കമ്മിറ്റി പ്രതിഷേധിച്ചു.അക്രമികളെ എത്രയും പെട്ടെന്ന് പിടികൂടി നിയമത്തിന് മുന്‍പില്‍ കൊണ്ടുവരണം.
ഭീഷണിപ്പെടുത്തിയും ഗുണ്ടകളെ ഉപയോഗിച്ചും ഓഫിസ് തല്ലിത്തകര്‍ത്തും മാധ്യമങ്ങളുടെ നാവ് അരിയാമെന്ന് കരുതേണ്ടെന്നും ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ സര്‍ക്കാര്‍ ജാഗ്രത പാലിക്കണമെന്നും യോഗം ആവശ്യപ്പെട്ടു.
പ്രസിഡന്റ് രമേഷ് എഴുത്തച്ഛന്‍ അധ്യക്ഷനായി. സെക്രട്ടറി പി.ഒ ഷീജ സംസാരിച്ചു.