വാരണാസി: തറക്കല്ലിടല്‍ മാത്രമല്ല പദ്ധതികളുടെ ഉദ്ഘാടനവും നടത്താറുണ്ടെന്ന് പ്രധാനമന്ത്രി നരേന്ദ്ര മോദി.
വാരണാസിയില്‍ നടപ്പാക്കുന്ന ചില പദ്ധതികളുടെ ഉദ്ഘാടനത്തിനിടയിലാണ് കോണ്‍ഗ്രസ് ആരോപണത്തെ പരാമര്‍ശിച്ച് മോദി ഇത്തരത്തില്‍ പ്രതികരിച്ചത്.
ദീന്‍ദയാല്‍ ഉപാധ്യായ ഹസ്തകലാ സങ്കൂല്‍ എന്ന പേരില്‍ വ്യാപാര കേന്ദ്രത്തിന്റെയും നെയത്തുകാരുടേയും കരകൗശല വിദഗ്ധരുടെയും വില്‍പന കേന്ദ്രത്തിന്റെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു പ്രധാനമന്ത്രി.
അദ്ദേഹത്തിന്റെ മണ്ഡലം കൂടിയായ വാരണാസിയില്‍ രാംനഗര്‍-സാംനാ ഘട്ട് പാലം,
ബലുവ ഘട്ട് പാലം എന്നിവയുടെ ഉദ്ഘാടനവും ആറു പദ്ധതികളുടെ നിര്‍മാണോദ്ഘാടനവും പ്രധാനമന്ത്രി നിര്‍വഹിച്ചു. ഉത്തര്‍പ്രദേശ് തെരഞ്ഞെടുപ്പിനു ശേഷം ഇതാദ്യമായാണ് മോദി വാരണാസിയില്‍ എത്തുന്നത്.