റിയാദ്: സഊദി അറേബ്യയുടെ 87-ാം ദേശീയ ദിനം ഇന്ന്. ദേശീയ ദിനത്തോടനുബന്ധിച്ച് രാജ്യമെങ്ങും അതിവിപുലമായ പരിപാടികളാണ് സംഘടിപ്പിക്കുന്നത്.
തലസ്ഥാന നഗരിയും രാജ്യത്തെ പ്രധാന നഗരങ്ങളും ഏകദൈവ വിശ്വാസ വാക്യം പതിച്ച ഹരിത ദേശീയ പതാകകളാല്‍ അലംകൃതമാണ്.
പ്രവിശ്യകളില്‍ കരിമരുന്ന് പ്രയോഗമടക്കമുള്ള പരിപാടികളും സംഘടിപ്പിക്കുന്നുണ്ട്.
ജിദ്ദയില്‍ എയര്‍ഷോയും സംഘടിപ്പിക്കുന്നുണ്ട്. ദേശീയ ദിനത്തിന്റെ ഭാഗമായി മൂന്നുദിവസം സഊദി ഭരണ കാര്യാലയം സന്ദര്‍ശകര്‍ക്കായി തുറന്നുകൊടുക്കും. സഊദി ചരിത്രത്തില്‍ ആദ്യമായി ദേശീയ ദിനാഘോഷ പരിപാടികള്‍ വീക്ഷിക്കാന്‍ വനിതകള്‍ക്കും അനുമതി നല്‍കിയിട്ടുണ്ട്. കൂടാതെ നഗരങ്ങളെല്ലാം കനത്ത സുരക്ഷാവലയത്തിലാണ്.