തൃശൂര്‍: പി.എസ്.സി സംസ്ഥാനവ്യാപകമായി കഴിഞ്ഞ ദിവസം നടത്തിയ ഫയര്‍മാന്‍ ട്രെയിനി തസ്തികയിലെ ഉത്തരക്കടലാസ് പരീക്ഷാ ഹാളില്‍ ഉപേക്ഷിച്ച നിലയില്‍. തൃശൂര്‍ വിവേകോദയം ബോയ്‌സ് ഹയര്‍ സെക്കന്‍ഡറി സ്‌കൂളിലെ പരീക്ഷാ ഹാളില്‍ നിന്നാണ് ഉത്തരക്കടലാസ് ലഭിച്ചത്.
1,775 ാം നമ്പര്‍ സെന്ററില്‍ പതിനൊന്നാം നമ്പര്‍ മുറിയില്‍ നടന്ന പരീക്ഷയുടെ 277675 രജിസ്റ്റര്‍ നമ്പറിലുള്ള ഉത്തരക്കടലാസാണ് ഉപേക്ഷിക്കപ്പെട്ട നിലയില്‍ കണ്ടെത്തിയത്. 277656 മുതല്‍ 277675 വരെ രജിസ്റ്റര്‍ നമ്പറിലുള്ളവരാണ് ഇവിടെ പരീക്ഷയെഴുതിയത്.
ഇന്‍വിജിലേറ്ററുടെ അനാസ്ഥയാണ് പരീക്ഷാര്‍ഥിയുടെ ഭാവി തകര്‍ക്കുന്ന സംഭവത്തിന് ഇടയാക്കിയതെന്ന് ആക്ഷേപമുയര്‍ന്നിട്ടുണ്ട്. ഉത്തരക്കടലാസുകള്‍ എണ്ണിത്തിട്ടപ്പെടുത്തിയ ശേഷമാണ് പരീക്ഷാര്‍ഥികളെ പുറത്തുപോകാന്‍ അനുവദിക്കാറുള്ളത്.