മലപ്പുറം: പത്താമത് സംസ്ഥാന വാഫി,വഫിയ്യ കലോത്സവത്തിന്റ പ്രിലിമിനറി ഘട്ടമായ സോണല്‍ മത്സരങ്ങള്‍ സമാപിച്ചു. മൂന്നു സോണുകളിലായി സംഘടിപ്പിക്കപ്പെട്ട വാഫി കലോത്സവത്തിന്റെ സി സോണ്‍ മത്സരങ്ങള്‍ ഇന്നലെ എം.ഐ.സി അത്താണിക്കലില്‍ നടന്നു. സമാപന സമ്മേളനം ടി.വി ഇബ്രാഹിം എം.എല്‍.എ ഉദ്ഘാടനം ചെയ്തു.
സി.ഐ.സി അസിസ്റ്റന്റ് കോ ഓര്‍ഡിനേറ്റര്‍ ഡോ. ഹസന്‍ ശരീഫ് വാഫി മുഖ്യപ്രഭാഷണം നടത്തി. സി.എം കുട്ടി സഖാഫി മുഖ്യാതിഥിയായി. എം.എന്‍ കുഞ്ഞാന്‍ ഹാജി, ഇസ്മാഈല്‍ സാഹിബ്, പി ബീരാന്‍ ഹാജി, കുഞ്ഞൂട്ടി മുസ്‌ലിയാര്‍, പി മുഹമ്മദ് , സൈദലവി വാഫി പങ്കെടുത്തു.
കലോത്സവത്തിന്റെ ഫൈനല്‍ മത്സരങ്ങള്‍ ഒക്ടോബര്‍ 13, 14, 15,17 തിയതികളിലായി കാളികാവ് വാഫി കാംപസില്‍ നടക്കും. മൂന്നു സോണുകളില്‍ നിന്നും തിരഞ്ഞെടുക്കപ്പെട്ട വിദ്യാര്‍ഥികളാണ് ഫൈനലില്‍ മാറ്റുരക്കുക.
വഫിയ്യ കലോത്സവത്തിന്റെ സോണല്‍ മത്സരങ്ങള്‍ ഇന്നലെ വളാഞ്ചേരി അല്‍ഗൈസ് വിമന്‍സ് കോളജില്‍ സമാപിച്ചിരുന്നു. മറ്റു സോണുകള്‍ നേരത്തെ ഇസത്തുല്‍ ഇസ്‌ലാം വഫിയ്യ ഡേ കോളജ് അത്താഴക്കുന്ന്, എം.ഐ.സി കൈപ്പമംഗലം എന്നിവിടങ്ങളില്‍ നടന്നിരുന്നു.