കോഴിക്കോട്: പാറന്നൂര്‍ ഇബ്‌റാഹിം മുസ്‌ലിയാരുടെ സ്മരണയ്ക്കായി എസ്.വൈ.എസ് ജില്ലാ കമ്മിറ്റിയുടെ ആഭിമുഖ്യത്തില്‍ പഞ്ചായത്ത് തലങ്ങളില്‍ നടത്തുന്ന മജ്‌ലിസുന്നൂറിന്റെ വാര്‍ഷിക സംഗമം ഒക്ടോബര്‍ അഞ്ചിന് വൈകിട്ട് ഏഴിന് പാറന്നൂരില്‍ നടക്കും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് മുഹമ്മദ് കോയ തങ്ങള്‍ ജമലുല്ലൈലി അധ്യക്ഷനാകും.
വാവാട് കുഞ്ഞിക്കോയ മുസ്‌ലിയാര്‍, കെ. ഉമര്‍ ഫൈസി മുക്കം, അലവിക്കോയ തങ്ങള്‍, റഹ്മത്തുല്ലാ ഖാസിമി മൂത്തേടം, നാസര്‍ ഫൈസി കൂടത്തായി, അബ്ദുല്‍ ബാരി ബാഖവി പ്രസംഗിക്കും. മാണിയൂര്‍ അഹ്മദ് മൗലവി പ്രാര്‍ഥനക്ക് നേതൃത്വം നല്‍കും.
ജില്ലയിലെ പഞ്ചായത്ത് അമീറുമാരും മജ്‌ലിസുന്നൂര്‍ അംഗങ്ങളും പങ്കെടുക്കണമെന്ന് ജില്ലാ അമീര്‍ ഒളവണ്ണ അബൂബക്കര്‍ ദാരിമിയും ചെയര്‍മാന്‍ ടി.വി.സി അബ്ദുസ്സമദ് ഫൈസിയും കണ്‍വീനര്‍ യൂസുഫ് ഫൈസി വെണ്ണക്കോടും അറിയിച്ചു.