ന്യൂഡല്‍ഹി: ഇന്ത്യയും പാകിസ്താനും തമ്മിലുള്ള വാക്‌പോരാട്ടം മൂര്‍ഛിക്കുന്നു. പാക് നുഴഞ്ഞു കയറ്റക്കാര്‍ക്കായി അവരുടെ കുഴിമാടം കാത്തിരിക്കുന്നുവെന്ന് ഇന്ത്യന്‍ സൈനിക മേധാവി ജനറല്‍ ബിപിന്‍ റാവത്ത്. തീവ്രവാദികള്‍ വരട്ടെ. അവരെ സ്വീകരിക്കാന്‍ ഞങ്ങള്‍ കാത്തിരിക്കുകയാണ്. അവരുടെ ശവക്കല്ലറകള്‍ ഇവിടെ അവരെ കാത്തിരിക്കുകയാണ്. ഞങ്ങള്‍ അവരെ കുഴിച്ചു മൂടുന്നത് തുടരുക തന്നെ ചെയ്യും- റാവത്ത് പറഞ്ഞു.

അതിര്‍ത്തിയില്‍ തീവ്രവാദികള്‍ക്കെതിരായ മിന്നലാക്രമണം തുടരുമെന്നും അദ്ദേഹം ആവര്‍ത്തിച്ചു. മാധ്യമപ്രവര്‍ത്തകരായ ഷിവ് അരൂര്‍ രാഹുല്‍ സിങ് എന്നിവരുടെ ഇന്ത്യാസ് മോസ്റ്റ് ഫിയര്‍ലസ് എന്ന ഗ്രന്ഥം പ്രകാശനം ചെയ്യുകയായിരുന്നു അദ്ദേഹം.

രണ്ടു ദിവസമായി യു.എന്‍ പൊതുസഭയില്‍ ഇന്ത്യും പാകിസ്താനും തമ്മില്‍ കടുത്ത പോരാട്ടത്തിലാണ്. പാകിസ്താന്‍ തീവ്രവാദികളെ സൃഷ്ടിക്കുന്ന ഫാക്ടറിയാണെന്ന പരാമര്‍ശത്തിലൂടെ ഇന്ത്യന്‍ വിദേശകാര്യ മന്ത്രി സുഷമ സ്വരാജാണ് തര്‍ക്കത്തിന് തുടക്കമിട്ടത്.