ആഹാരം കഴിക്കുമ്പോള്‍ ചില മുന്‍കരുതലുകള്‍ ആകാവുന്നതാണ്. അതില്‍ പ്രധാനം കഴിക്കുന്നത് അറിഞ്ഞ് കഴിക്കുക എന്നതുതന്നെ. മണവും രുചിയും ആകൃതിയും മനസിലാക്കി കഴിക്കാം.
കൂടുതല്‍ ശ്രദ്ധ വൃത്തിയിലായിരിക്കണം. ഗുണവും നോക്കണം. എന്തുകഴിക്കുന്നു എന്നത് ഏറെ പ്രധാനമാണ്.

കാലവര്‍ഷക്കാലത്ത് അധികം ആഹാരം കഴിക്കാതിരിക്കുക. ഉപ്പ് കഴിയുന്നത്ര കുറയ്ക്കുക. എണ്ണ അത്യാവശ്യത്തിനുമാത്രം. ശരീരത്തില്‍ ജലാംശം കുറയാതെ സൂക്ഷിക്കാനാണിത്.
പാചകം ചെയ്ത പച്ചക്കറികളും പഴവര്‍ഗങ്ങളും ധാന്യവര്‍ഗങ്ങളും കഴിക്കുക. ഇറച്ചിയും മത്സ്യവും കഴിയുന്നത്ര ഒഴിവാക്കുക.

തണ്ണിമത്തന്‍, മസ്‌ക് മെലണ്‍ തുടങ്ങിയവ വേണ്ട. ശരീരത്തില്‍ താപനില ക്രമീകരിക്കാന്‍ ധാരാളം വെള്ളം കുടിക്കുക.

കുരുമുളക്, കായം, മല്ലി, മഞ്ഞള്‍, നാരങ്ങ, പുതിന, ഉലുവ, ഉള്ളി, ക്യാബേജ്, ബദാം തുടങ്ങിയവ ഭക്ഷണത്തിലുള്‍പ്പെടുത്തുക.