തളിപ്പറമ്പ്: വസ്ത്രവ്യാപാര രംഗത്ത് അറുപതുവര്‍ഷത്തെ പാരമ്പര്യവുമായി പയ്യന്നൂര്‍ ആസ്ഥാനമായുള്ള ഗ്രാന്‍ഡ് തേജസിന്റെ തളിപ്പറമ്പ് മെഗാഷോറൂം 14നു പ്രവര്‍ത്തനമാരംഭിക്കും. രാവിലെ പത്തിനു പാണക്കാട് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. ഗ്രാന്‍ഡ് തേജസിന്റെ രണ്ടാമത്തെ മെഗാഷോറൂമാണു തളിപ്പറമ്പില്‍ ആരംഭിക്കുന്നതെന്നു മാനേജിങ് പാര്‍ട്ണര്‍ കെ.എം അഷ്‌റഫ്, കെ ഖാലിദ്, ഹിദാഷ് അഷ്‌റഫ്, കെ അബ്ദുല്‍ സലാം, മാനേജര്‍ ഷാജി പി ലൂക്കോസ് എന്നിവര്‍ വാര്‍ത്താസമ്മേളനത്തില്‍ അറിയിച്ചു. പ്രമുഖ മില്ലുകളില്‍ നിന്നു നേരിട്ടു വാങ്ങുന്നതിനാല്‍ ഇടനിലക്കാരുടെ ലാഭം ഒഴിവാക്കി ചുരുങ്ങിയ നിരക്കില്‍ ഉപഭോക്താക്കള്‍ക്കു തുണിത്തരങ്ങള്‍ ലഭ്യമാക്കാന്‍ ഗ്രാന്‍ഡ് തേജസിനു സാധിക്കുമെന്നു ഡയറക്ടര്‍മാര്‍ അറിയിച്ചു. ഉദ്ഘാടനദിവസം ഷോറൂം സന്ദര്‍ശിക്കുന്നവരില്‍ നിന്നു നറുക്കെടുപ്പിലൂടെ ഓരോ മണിക്കൂറിലും ഒരു സ്വര്‍ണനാണയം സമ്മാനമായി നല്‍കും. കണ്ണൂര്‍, കാസര്‍കോട് നഗരങ്ങളിലും ഗ്രാന്‍ഡ് തേജസിന്റെ മെഗാഷോറൂമുകള്‍ വൈകാതെ ആരംഭിക്കുമെന്നും ബന്ധപ്പെട്ടവര്‍ വ്യക്തമാക്കി.