നീലേശ്വരം: നെടുങ്കണ്ടയില്‍ വീടു തകര്‍ന്നു അഞ്ചുപേര്‍ക്കു പരുക്കേറ്റു. ഇന്നലെയുണ്ടായ ശക്തമായ കാറ്റിലും മഴയിലുമാണ് എം ശോഭനയുടെ ഓടിട്ട വീട് പൂര്‍ണമായും തകര്‍ന്നത്. രാവിലെ പതിനൊന്നോടെയാണു സംഭവം.
      ശോഭന (50) യ്ക്കു പുറമേ വീട്ടിലുണ്ടായിരുന്ന നാരായണി (78), പാര്‍വതി (50), രമണി (43), വത്സല (48) എന്നിവര്‍ക്കാണു പരുക്കേറ്റത്. ഇവരെ തേജസ്വിനി സഹകരണ ആശുപത്രിയില്‍ പ്രവേശിപ്പിച്ചു. ഒന്നര ലക്ഷം രൂപയുടെ നഷ്ടം കണക്കാക്കുന്നു. കഴിഞ്ഞ ദിവസം പുഴയില്‍ മുങ്ങിമരിച്ച എം രവിയുടെ കുടുംബ വീടാണു തകര്‍ന്നത്. നീലേശ്വരം വില്ലേജ് ഓഫിസര്‍ പി.വി തുളസിരാജ് സ്ഥലം സന്ദര്‍ശിച്ചു.