തിരുവനന്തപുരം: ഷാര്‍ജാ ഭരണാധികാരി കുടുംബസമേതം താമസിച്ച കോവളം ലീലാ ഹോട്ടലില്‍ ഇനി മുതല്‍ സുല്‍ത്താന്‍ സ്യൂട്ടും, സുല്‍ത്താന്‍ മട്ടന്‍ സ്‌പെഷലും.
കേരളസന്ദര്‍ശനത്തിന്റെ ഭാഗമായി ഷാര്‍ജാ ഭരണാധികാരി ശൈഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമി കോവളത്തെ ലീലാ ഹോട്ടലിലായിരുന്നു താമസിച്ചിരുന്നത്. ഇവിടത്തെ താമസസൗകര്യം ഇഷ്ടമായെന്നും സംതൃപ്തനാണെന്നും സ്വന്തം കൈപ്പടയില്‍ എഴുതി നല്‍കിയതായി ഹോട്ടല്‍ അധികൃതര്‍ അറിയിച്ചു.
അതിനാലാണ് സുല്‍ത്താന്റെ സന്ദര്‍ശനത്തിന്റെ ഓര്‍മയ്ക്ക് ഹോട്ടലിലെ ഒരു സ്യൂട്ട് ഇനിമുതല്‍ ഡോ. സുല്‍ത്താന്‍ സ്യൂട്ട് എന്ന് അറിയപ്പെടുക. ഇതിന് പുറമെ അദ്ദേഹം ആസ്വദിച്ച് കഴിച്ച മട്ടന്‍ പെരട്ടിന് സുല്‍ത്താന്‍ മട്ടന്‍ സ്‌പെഷല്‍ എന്ന് മെനുവില്‍ പുനര്‍നാമകരണവും ചെയ്തു.