അബൂദബി: ടെസ്റ്റ് ക്രിക്കറ്റ് ഏറ്റവും വേഗത്തില്‍ 150 വിക്കറ്റുകള്‍ തികയ്ക്കുന്ന രണ്ടാമത്തെ ബൗളറായി പാകിസ്താന്‍ താരം യാസിര്‍ ഷ. ശ്രീലങ്കക്കെതിരായ ആദ്യ ക്രിക്കറ്റ് ടെസ്റ്റില്‍ ലഹിരു തിരിമന്നയെ പുറത്താക്കിയാണ് താരത്തിന്റെ നേട്ടം.
27ാം ടെസ്റ്റിലാണ് യാസിര്‍ നേട്ടത്തിലെത്തിയത്. 1913ല്‍ ആസ്‌ത്രേലിയന്‍ താരം സിഡ്‌നി ബേണ്‍സാണ് റെക്കോര്‍ഡ് സ്ഥാപിച്ചത്. തന്റെ 24ാം ടെസ്റ്റിലാണ് ബേണ്‍സിന്റെ നേട്ടം. യാസിര്‍ മുന്‍ പാക് നായകന്‍ വഖാര്‍ യൂനിസിനൊപ്പം റെക്കോര്‍ഡ് പങ്കിടുന്നു. അതേസമയം ബേണ്‍സും വഖാറും പേസര്‍മാരായതിനാല്‍ ഏറ്റവും വേഗതയില്‍ 150 വിക്കറ്റുകള്‍ എടുത്ത ആദ്യ സ്പിന്നറായി യാസിര്‍ മാറി. ഒന്നാം ദിനം കളി നിര്‍ത്തുമ്പോള്‍ പാകിസ്താനെതിരേ ലങ്ക നാല് വിക്കറ്റ് നഷ്ടത്തില്‍ 227 റണ്‍സെടുത്ത് പൊരുതുന്നു.