മലപ്പുറം: വേങ്ങര ഉപതെരഞ്ഞെടുപ്പിനോടനുബന്ധിച്ച് ഇലക്ഷന്‍ കമ്മിഷന്‍ ഒബ്‌സര്‍വര്‍ ശ്രീകാന്ത് ഐ.ആര്‍.എസ് മണ്ഡലത്തില്‍ എത്തി പ്രവര്‍ത്തനങ്ങള്‍ വിലയിരുത്തി. വേങ്ങര ബ്ലോക്ക് ഓഫിസില്‍ ചേര്‍ന്ന യോഗത്തില്‍ വിവിധ ഇലക്ഷന്‍ സ്‌ക്വാഡുകളുടെ പ്രവര്‍ത്തനം ചര്‍ച്ച ചെയ്തു. കലേ്രേക്ടറ്റിലെ ഫൈനാന്‍സ് ഓഫിസറും സ്‌കാഡുകളുടെ നോഡല്‍ ഓഫിസറുമായ സന്തോഷ് കുമാറുമായും ഫ്‌ലയിംഗ് സ്‌ക്വാഡ് ലീഡര്‍ പി.കെ .ഖാലിദ് ,സ്റ്റാറ്റിക് സര്‍വലന്‍സ് സ്‌ക്വാഡ് ലീഡര്‍ കെ. സിദ്ദീഖ് , വീഡിയോ സര്‍വലന്‍സ് സ്‌ക്വാഡ് ലീഡര്‍ സുനില്‍ കുമാര്‍ പത്തായത്തൊടി എന്നിവരുമായി പ്രവര്‍ത്തനങ്ങള്‍ വിലയിരുത്തുകയും നിര്‍ദ്ദേശങ്ങള്‍ നല്‍കുകയും ചെയ്തു