കോഴിക്കോട്: സൗത്ത് ബീച്ചില്‍ നിന്ന് കഞ്ചാവ് വല്‍പനക്കാരനെ എക്‌സൈസ് പിടികൂടി. ഇടിയങ്ങര സഫിയ മന്‍സിലില്‍ അഷറഫ് (52) എന്ന അസറുവാണ് അറസ്റ്റിലായത്. പാളയം, വലിയങ്ങാടി, സൗത്ത് ബീച്ച് എന്നീ ഭാഗങ്ങള്‍ കേന്ദ്രീകരിച്ചാണ് ഇയാള്‍ കഞ്ചാവ് വില്‍പന നടത്തുന്നത്.
തമിഴ്‌നാട് മേട്ടുപാളയത്ത് നിന്ന് കോഴിക്കോട്ടേക്ക് ട്രെയിന്‍ മാര്‍ഗമാണ് കഞ്ചാവ് എത്തിക്കുന്നത്. പച്ചക്കറി മാര്‍ക്കറ്റിലെയും വലിയങ്ങാടിയിലെയും തൊഴിലാളികളെയും ഇതരസംസ്ഥാന തൊഴിലാളികളെയും ലക്ഷ്യമിട്ടാണ് ഇയാള്‍ കഞ്ചാവ് കച്ചവടം നടത്തിവരുന്നത്.