യാമുസ്സൂക്‌റോ: ഐവറികോസ്റ്റില്‍ ഫ്രഞ്ച് സൈനിക വിമാനം കടലില്‍ തകര്‍ന്നുവീണ് നാലുപേര്‍ മരിച്ചു. ഫ്രഞ്ച് സൈന്യത്തിന്റെ ചരക്കുവിമാനമാണ് അപകടത്തില്‍പെട്ടത്. കിഴക്കന്‍ യൂറോപ്യന്‍ രാജ്യമായ മോള്‍ഡോവ സ്വദേശികളാണു മരിച്ച നാലുപേരുമെന്നു സ്ഥിരീകരിച്ചിട്ടുണ്ട്.
ശക്തമായ കാറ്റിലും മഴയിലും നിയന്ത്രണം വിട്ടാണ് ഉക്രെയിന്‍ നിര്‍മിത ആന്റൊനോവ് ചരക്കുവിമാനം തകര്‍ന്നത്. മറ്റ് ആറുപേര്‍ക്ക് ഗുരുതരമായി പരുക്കേല്‍ക്കുകയും ചെയ്തിട്ടുണ്ട്. ഇവരില്‍ നാലുപേര്‍ ഫ്രഞ്ച് പൗരന്മാരും രണ്ടുപേര്‍ മോള്‍ഡോവക്കാരുമാണ്. ബുര്‍കിനോഫാസോയുടെ തലസ്ഥാനമായ ഔഗദോഗുവില്‍നിന്നു പത്തുപേരുമായി തിരിച്ചതായിരുന്നു വിമാനം. നിയന്ത്രണം വിട്ടതോടെ പൈലറ്റ് കടലില്‍ ഇടിച്ചിറക്കുകയായിരുന്നു.ഭീകരവിരുദ്ധ ഓപറേഷനു വേണ്ടി ഫ്രഞ്ച് സൈന്യം അയച്ചതാണു വിമാനം.