തിരുവനന്തപുരം: സോളാര്‍ കേസിന്റെ തുടരന്വേഷണവുമായി ബന്ധപ്പെട്ട് മന്ത്രിസഭയില്‍ ഭിന്നാഭിപ്രായം. വിവിധ മന്ത്രിമാരാണ് സര്‍ക്കാരിന്റെ തുടരന്വേഷണവുമായി ബന്ധപ്പെട്ട് വിമര്‍ശനമുന്നയിച്ചത്.

കേസുമായി ബന്ധപ്പെട്ട് വീണ്ടും നിയമോപദേശം തേടാനുള്ള തീരുമാനം സര്‍ക്കാരിന് ക്ഷീണമാണെന്ന് മന്ത്രി എ.കെ ബാലന്‍ അഭിപ്രായപ്പെട്ടു.
ഇനിയും ഇത്തരം തെറ്റുകള്‍ ആവര്‍ത്തിക്കരുതെന്ന് മന്ത്രി ഇ ചന്ദ്രശേഖരന്‍ യോഗത്തില്‍ വിമര്‍ശനമുന്നയിച്ചു. മന്ത്രി മാത്യു ടി തോമസും ഇതേ അഭിപ്രായമാണ് യോഗത്തില്‍ ഉന്നയിച്ചത്. എന്നാല്‍, എതിരഭിപ്രായങ്ങള്‍ അവഗണിച്ച് നിയമോപദേശം തേടാനാണ് മുഖ്യമന്ത്രിയുടെ തീരുമാനം.