മനാമ: മത പ്രഭാഷണ വേദികളില്‍ വിസ്മയമായ അത്ഭുത ബാലന്‍ സ്വാലിഹ് ബത്തേരിക്ക് ബഹ്‌റൈനില്‍ സ്വീകരണം നല്‍കി. കഴിഞ്ഞ ദിവസം ബഹ്‌റൈന്‍ ഇന്റര്‍ നാഷണല്‍ എയര്‍പോര്‍ട്ടിലെത്തിയ സ്വാലിഹിന് സമസ്ത ഏരിയാ നേതാക്കളുടെ നേതൃത്വത്തിലാണ് ഉജ്ജ്വല സ്വീകരണം നല്‍കിയത്.
വെള്ളിയാഴ്ച രാത്രി 8.30ന് മനാമയിലെ സമസ്ത കേന്ദ്ര മദ്‌റസാ ഓഡിറ്റോറിയത്തില്‍ ?ക്ഷണിക്കപ്പെടാത്ത അതിഥി? എന്ന വിഷയത്തില്‍ സ്വാലിഹ് പ്രഭാഷണം നടത്തും. സമസ്ത ബഹ്‌റൈന്‍ പ്രസിഡന്റ് സയ്യിദ് ഫഖ്‌റുദ്ധീന്‍ കോയ തങ്ങള്‍ ഉദ്ഘാടനം ചെയ്യുന്ന ചടങ്ങില്‍ പ്രമുഖര്‍ സംബന്ധിക്കും. പരിപാടി ശ്രവിക്കാന്‍ സ്ത്രീകള്‍ക്ക് പ്രത്യേക സൗകര്യമൊരുക്കിയിട്ടുണ്ട്. കൂടുതല്‍ വിവരങ്ങള്‍ക്ക് +97333539691 ല്‍ ബന്ധപ്പെടുക.