കൊണ്ടോട്ടി: ദീപാവലി ആഘോഷത്തോടനുബന്ധിച്ച് യാത്രക്കാര്‍ക്ക് ദീപാലങ്കാര കാഴ്ചയുടെ വിരുന്നൊരുക്കി കരിപ്പൂര്‍ വിമാനത്താവളം. വിമാനത്താവള ടെര്‍മിനലിന് അകത്തും പുറത്തും ദീപാലങ്കാരം നടത്തിയാണ് എയര്‍പോര്‍ട്ട് അതോറിറ്റി ദീപാവലിയെ വരവേറ്റത്. ടെര്‍മിനല്‍ മുഴുവന്‍ മിന്നുന്ന ലെറ്റുകള്‍ സ്ഥാപിച്ചിരുന്നു. ടെര്‍മിനലിനകത്ത് യാത്രക്കാര്‍ക്ക് ദീപാവലി ആശംസകള്‍ നേര്‍ന്നു. രാത്രിയില്‍ വെള്ളിവെളിച്ചത്തില്‍ നിറഞ്ഞുനിന്ന വിമാനത്താവള ടെര്‍മിനല്‍ യാത്രക്കാര്‍ക്കും വിമാനത്താവളത്തിലെത്തിയവര്‍ക്കും മനോഹരക്കാഴ്ചയായി. യാത്രക്കാര്‍ക്കും ജീവനക്കാര്‍ക്കും എയര്‍പോര്‍ട്ട് ഡയറക്ടര്‍ ജെ രാധാകൃഷ്ണ ദീപാവലി ആശംസ നേര്‍ന്നു.