മുവാറ്റുപുഴ: മുവാറ്റുപുഴ നിര്‍മ്മലാ കോളജില്‍ റാഗിങ്ങിനേ തുടര്‍ന്ന് രണ്ട് വിദ്യാര്‍ഥികള്‍ക്ക് പരുക്കേറ്റു. ബികോം അദ്യവര്‍ഷ വിദ്യാര്‍ഥികളായ സാജിദ്.എം.ബഷീര്‍(18)അലന്‍ രാജ്(17) എന്നിവര്‍ക്കാണ് പരുക്കേറ്റത്. കോളജിലെ സീനിയര്‍ വിദ്യാര്‍ഥികളാണ് ഇവരെ റാഗ് ചെയ്തത്.
എട്ടോളം വരുന്ന സംഘം ക്രൂരമായി മര്‍ദിക്കുകയായിരുന്നുവെന്ന് പരുക്കേറ്റവര്‍ പറഞ്ഞു. തലയ്ക്കും മുഖത്തിനും കഴുത്തിനും പരുക്കേറ്റ വിദ്യാര്‍ഥികളെ മുവാറ്റുപുഴ ജനറല്‍ ആശുപത്രിയില്‍ പ്രവേശിപ്പിച്ചു. മുവാറ്റുപുഴ പൊലിസ് കേസെടുത്ത് അന്വേഷണം ആരംഭിച്ചു.