ആലപ്പുഴ: ആലപ്പുഴയില്‍ റിസോര്‍ട്ട് നിര്‍മാണത്തിനായി ഗതാഗത മന്ത്രി തോമസ് ചാണ്ടി മാര്‍ത്താണ്ഡം കായല്‍ കയ്യേറിയതുമായി ബന്ധപ്പെട്ട് കളക്ടര്‍ അന്തിമ റിപ്പോര്‍ട്ട് സമര്‍പ്പിച്ചു. റവന്യു സെക്രട്ടറിക്കാണ് കളക്ടര്‍ റിപ്പോര്‍ട്ട് സമര്‍പ്പിച്ചത്.

കായലില്‍ നിയമലംഘനം നടന്നുവെന്നാണ് കളക്ടറുടെ റിപ്പോര്‍ട്ടില്‍ കണ്ടെത്തിയിരിക്കുന്നത്. രേഖകളും ഉപഗ്രഹ ചിത്രങ്ങളുടെയും സഹായത്താലാണ് കലക്ടര്‍ അന്തിമ റിപ്പോര്‍ട്ട് തയാറാക്കിയത്. മന്ത്രി കായല്‍ കൈയേറിയാണ് റിസോര്‍ട്ട് നിര്‍മിച്ചതെന്ന ആരോപണം ശക്തമാവുകയും സംഭവം ഏറെ വിവാദങ്ങള്‍ക്കിടയാവുകയും ചെയ്തിരുന്നു. തുടര്‍ന്ന് അന്വേഷണം നടത്തി സമഗ്ര റിപ്പോര്‍ട്ട് സമര്‍പ്പിക്കാന്‍ സര്‍ക്കാര്‍ കലക്ടറോട് ആവശ്യപ്പെടുകയായിരുന്നു.