തിരൂരങ്ങാടി 2018ലെ സംക്ഷിപ്ത വോട്ടര്‍പട്ടിക പുതുക്കലുമായി ബന്ധപ്പെട്ട് വേങ്ങര, വള്ളിക്കുന്ന്, തിരൂരങ്ങാടി നിയോജകമണ്ഡലങ്ങളിലെ അംഗീകൃത രാഷ്ട്രീയപാര്‍ട്ടികളുടെ യോഗം നാളെ രാവിലെ 11 മണിക്ക് തിരൂരങ്ങാടി താലൂക്ക് ഓഫീസില്‍ ചേരും. വേങ്ങര നിയോജക മണ്ഡലത്തിലെ ബൂത്ത് ലെവല്‍ ഓഫീസര്‍ മാര്‍ക്കുള്ള പരിശീലന പരിപാടി 28ന് ഉച്ചയ്ക്ക് രണ്ടുമണിക്കും വള്ളിക്കുന്ന് മണ്ഡലത്തിന്റെത് 30ന് രാവിലെ 10 മണിക്കും, തിരൂരങ്ങാടി മണ്ഡലത്തിന്റെത് 30 ന് ഉച്ചയ്ക്ക് രണ്ട് മണിക്ക് തിരൂരങ്ങാടി മിനി സിവില്‍സ്റ്റേഷന്‍ ഹാളില്‍ വെച്ച് നടക്കും. പരിശീലനത്തിന് പങ്കെടുക്കുന്ന ബൂത്ത് ലെവല്‍ ഓഫീസര്‍മാര്‍ പാസ്‌പോര്‍ട്ട് സൈസ് ഫോട്ടോ, ബാങ്ക് പാസ് ബുക്കിന്റെ കോപ്പി എന്നിവ സഹിതം ഹാജരാകണം.