തിരൂരങ്ങാടി: പൂര്‍ണ പബ്ലിക്കേഷന്‍സ് സുവര്‍ണജൂബിലി ആഘോഷങ്ങളുടെ ഭാഗമായി നടത്തിയ സാഹിത്യമത്സരങ്ങളുടെ പുരസ്‌കാരകങ്ങള്‍ വിതരണം ചെയ്തു. തിരൂരങ്ങാടി പി.എസ്.എം.ഒ കോളജ് ഓഡിറ്റോറിയത്തില്‍ നടന്ന പരിപാടിയില്‍ പ്രശസ്ത കവി പി.പി.ശ്രീധനരനുണ്ണി കവിതാരചനാ മത്സരവിജയികളുടെ അവാര്‍ഡുകള്‍ വിതരണം ചെയ്തു.
പുതുക്കാട് പ്രജ്യേതി നികേതന്‍ കോളേജ് വിദ്യാര്‍ത്ഥിനി സുതാര്യ.സി, ജെ.ഐന്‍.യു വിദ്യാര്‍ത്ഥി മുഹമ്മദ് സയ്യിദ്, പി.എസ്.എം.ഒ കോളേജ് വിദ്യാര്‍ത്ഥിനി റഫീഹ.പി എന്നിവരാണ് കവിതാരചനാ മത്സരത്തില്‍ യഥാക്രമം ഒന്നും രണ്ടും മൂന്നും സ്ഥാനങ്ങള്‍ നേടിയത്.
കവി പ്രൊഫ. വീരാന്‍കുട്ടി മുഖ്യപ്രഭാഷണം നിര്‍വഹിച്ചു. കോളേജ് പ്രിന്‍സിപ്പല്‍ ഡോ.കെ.അസീസ് അധ്യക്ഷനായി. ഡോ.കെ.വി.തോമസ്, ഡോ.പി.പി.അബ്ദുറസാഖ്, പ്രൊഫ.മുഹമ്മദ് ശരീഫ്. ഡോ. കെ. ശ്രീകുമാര്‍, എന്‍.ഇ.മനോഹര്‍, മുഹമ്മദ് റിയാസ്.പി.എ എന്നിവര്‍ സംസാരിച്ചു.