മുക്കം: കാരശ്ശേരി പഞ്ചായത്ത് ഭരണത്തില്‍ പ്രതിഷേധിച്ച് നവംബര്‍ രണ്ടിന് രാവിലെ പത്തുമുതല്‍ അഞ്ചുവരെ പഞ്ചായത്ത് മുസ്‌ലിം ലീഗ് കമ്മിറ്റിയുടെ നേതൃത്വത്തില്‍ പഞ്ചായത്ത് ഓഫിസിന് മുന്‍പില്‍ സംഘടിപ്പിക്കുന്ന ഇരുപ്പ് സമരത്തിന്റെ പ്രചരണാര്‍ഥം സംഘടിപ്പിക്കുന്ന വാഹനജാഥക്ക് ഇന്ന് തുടക്കമാവും.
ഉച്ചക്ക് 2.30ന് മഞ്ചാട്ടിയില്‍ യൂത്ത് ലീഗ് സംസ്ഥാന സെക്രട്ടറി പി.ജി മുഹമ്മദ് ഉദ്ഘാടനം ചെയ്യും. വൈകിട്ട് ഏഴിന് മുരിങ്ങംപുറായ് എടലംമ്പാട്ട് സമാപിക്കും. സമാപന സമ്മേളനം വി.എ റഷീദ് മാസ്റ്റര്‍ ഉദ്ഘാടനം ചെയ്യും. നാളെ നോര്‍ത്ത് കാരശ്ശേരിയില്‍നിന്ന് ആരംഭിക്കുന്ന വാഹനജാഥ കറുത്ത പറമ്പില്‍ സമാപിക്കും.