ന്യൂഡല്‍ഹി: സര്‍ക്കാരിന്റെ വിവിധ ക്ഷേമപദ്ധതികള്‍ക്കായി ആധാര്‍ ബന്ധിപ്പിക്കാനുള്ള കേന്ദ്ര സര്‍ക്കാര്‍ തീരുമാനത്തിനെതിരേ പശ്ചിമബംഗാള്‍ സര്‍ക്കാര്‍ സുപ്രിം കോടതിയില്‍. ബംഗാള്‍ സര്‍ക്കാര്‍ സമര്‍പ്പിച്ച ഹരജി തിങ്കളാഴ്ച കോടതി പരിഗണിക്കും.

ഇന്നാണ് സാമൂഹ്യ സുരക്ഷാ പദ്ധതികള്‍ക്കായി ആധാര്‍ നിര്‍ബന്ധമാക്കുന്നതിനെതിരേ ബംഗാള്‍ സുപ്രിം കോടതിയില്‍ ഹര്‍ജി സമര്‍പ്പിച്ചത്.

നേരത്തെ, തന്റെ മൊബൈല്‍ നമ്പര്‍ ആധാറുമായി ബന്ധിപ്പിക്കില്ലെന്ന് പശ്ചിമ ബംഗാള്‍ മുഖ്യമന്ത്രി മമത പറഞ്ഞിരുന്നു. ഇതിനെതിരേ മമത കേന്ദ്ര സര്‍ക്കാരിനെ വെല്ലുവിളിക്കുകയും ചെയ്തിരുന്നു.

ഏകാധിപത്യ രീതിയിലാണു നരേന്ദ്ര മോദിയുടെ ഭരണമെന്നും കേന്ദ്രത്തില്‍നിന്നും ബി.ജെ.പി സര്‍ക്കാരിനെ പുറത്താക്കാന്‍ തൃണമൂല്‍ കോണ്‍ഗ്രസ് നിര്‍ണായക പങ്കുവഹിക്കുമെന്നും മമത പറഞ്ഞിരുന്നു.