വൈത്തിരി: കെ.എസ്.ആര്‍.ടി.സിയുടെ സ്‌കാനിയ ബസ് ചുരത്തില്‍ കുടുങ്ങിയതിനെത്തുടര്‍ന്ന് വയനാട് ചുരത്തില്‍ ഗതാഗതം സ്തംഭിച്ചു.
രാവിലെ ആറു മണിയോടെയാണ് ബസ് ചുരത്തില്‍ കുടുങ്ങിയത്. ഇന്ന് പുലര്‍ച്ച ചുരത്തില്‍ കാര്‍ കത്തി ഗതാഗത തടസ്സമുണ്ടായിരുന്നു. ഇവിടെ വച്ചാണ് ബസ് മുമ്പോട്ടു പോകാന്‍ കഴിയാതെ കുടുങ്ങിയത്.

തിരുവനന്തപുരത്തു നിന്നും മൈസൂരിലേക്ക് പോകുകയായിരുന്ന ബസാണ് വളവില്‍ ഗതാഗതം തടസ്സമായി നിന്നത്. കെ.എസ്.ആര്‍.ടി.സി അധികൃതര്‍ സ്ഥലത്തെത്തി ബസ് മാറ്റാനുള്ള നീക്കങ്ങള്‍ പുരോഗമിക്കുകയാണ്. വലിയ ഗതാഗത കുരുക്കാണ് ചുരത്തില്‍ അനുഭവപ്പെടുന്നത്. വാഹനങ്ങളുടെ നീണ്ട നിര തന്നെയാണിവിടെയുള്ളത്.