മലയാള മനോരമ അധ്യാപകര്‍ക്കായി നടത്തിയ കഥാമത്സരത്തില്‍ സമ്മാനാര്‍ഹയായ എഴുത്തുകാരിയുടെ കഥാസമാഹാരം. സമ്മാനാര്‍ഹമായ 'ഞാവല്‍പ്പഴങ്ങള്‍' അടക്കം 18 കഥകള്‍. മലയാളത്തില്‍ ആദ്യമായി ഒരു അധ്യാപിക എഴുതുന്ന അധ്യാപക കഥകള്‍ എന്ന് പ്രസാധകര്‍ അവകാശപ്പെടുന്നു. സരളവും ഋജുവുമായ കഥനരീതി, വിഷയങ്ങള്‍ തിരഞ്ഞെടുത്തതിലെ സൂക്ഷ്മത, ചുറ്റുപാടുകളുടെ സമഗ്രമായ നിരീക്ഷണം എന്നിവയൊക്കെയാണു കഥകളുടെ ആകര്‍ഷണീയതയെന്ന് അവതാരികയില്‍ ശത്രുഘ്‌നന്‍.