കൊണ്ടോട്ടി:കരിപ്പൂര്‍ വിമാനത്താവളത്തില്‍ 20 ലക്ഷത്തിന്റെ സ്വര്‍ണം എയര്‍ കസ്റ്റംസ് ഇന്റലിജന്‍സ് പിടികൂടി. ദുബൈയില്‍ നിന്ന് ഇന്നലെ രാവിലെ എയര്‍ഇന്ത്യ എക്‌സ്പ്രസ് വിമാനത്തില്‍ കരിപ്പൂരിലെത്തിയ കൊയിലാണ്ടി സ്വദേശി റഹീമില്‍ നിന്നാണ് 663 ഗ്രാം സ്വര്‍ണം പിടികൂടിയത്. കസ്റ്റംസ് പരിശോധനയില്‍ സംശയം തോന്നിയ അധികൃതര്‍ ബാഗേജ് തുറന്ന് പരിശോധിച്ചപ്പോഴാണ് സ്വര്‍ണം കണ്ടെത്തിയത്. പൗഡര്‍ ടിന്‍, ചിപ്‌സ് ബോക്‌സ് എന്നിവയുടെ ഉള്ളിലായിരുന്നു സ്വര്‍ണം. ഷീറ്റുകളായി ഒളിപ്പിച്ച സ്വര്‍ണം ഒറ്റനോട്ടത്തില്‍ കണ്ടെത്താന്‍ കഴിയാത്ത വിധത്തിലായിരുന്നു.