ന്യൂഡല്‍ഹി: തനിക്ക് വേണ്ടി ട്വീറ്റുകള്‍ തയ്യാറാക്കുന്നതാരാണെന്ന് രാഹുല്‍ഗാന്ധി വ്യക്തമാക്കിയത് കഴിഞ്ഞ ദിവസമാണ്. പിഡി എന്ന പേരുള്ള നായക്കുട്ടിയുടെ വിഡിയോ ആണ് രാഹുല്‍ പോസ്റ്റ് ചെയ്തിരുന്നത്. എന്നാല്‍ ഇതിന് ബി.ജെ.പി മറുപടി നല്‍കിയിരിക്കുകയാണ്.

അക്ഷയ്കുമാര്‍ ചിത്രം പാഡ്മാന്റെ പോസ്റ്റര്‍ അനുകരിച്ച് ''പിഡിമാന്‍'' എന്നൊരു പോസ്റ്ററുണ്ടാക്കിയാണ് ബി.ജെ.പി രാഹുലിന് മറുപടി നല്‍കിയിരിക്കുന്നത്.
'പിഡിമാന്‍- മാസ്റ്ററേക്കാള്‍ മികച്ച നായയുടെ കഥ' എന്ന ടാഗ് ലൈനോടെയാണ് പോസ്റ്റര്‍ തയ്യാറാക്കിയിരിക്കുന്നത്.

Pidi लाओ, Congress बचाओ.. pic.twitter.com/A677QSIvah

— Amit Malviya (@malviyamit) October 29, 2017

പിഡിയെ കൊണ്ടുവരൂ കോണ്‍ഗ്രസിനെ രക്ഷിക്കൂവെന്നും ബി.ജെ.പിയുടെ ഐ.ടി വിഭാഗം തലവന്‍ അമിത് മാളവ്യ ട്വിറ്ററില്‍ കുറിച്ചു.

2016ലെ അസം നിയമസഭാ തിരഞ്ഞെടുപ്പിനു മുന്‍പായി സുപ്രധാന വിഷയങ്ങള്‍ ചര്‍ച്ച ചെയ്യാന്‍ വിളിപ്പിച്ചപ്പോള്‍ നിങ്ങള്‍ പിഡിക്കു ബിസ്‌കറ്റ് നല്‍കുകയായിരുന്നുവെന്നു ഞാന്‍ ഓര്‍ക്കുന്നുവെന്ന് അസം മന്ത്രി ഹിമാന്ത ബിസ്വ ശര്‍മയും പരിഹസിച്ചു.

Sir @OfficeOfRG,who knows him better than me.Still remember you busy feeding biscuits 2 him while We wanted to discuss urgent Assam's issues https://t.co/Eiu7VsuvL1

— Himanta Biswa Sarma (@himantabiswa) October 29, 2017

രാഹുല്‍ ഗാന്ധിയുടെ ട്വിറ്ററിലെ ഇടപെടല്‍ സംബന്ധിച്ച് വന്‍ ചര്‍ച്ചകളാണ് ഈയിടെ ഉണ്ടായത്. പ്രധാനമന്ത്രിയെക്കാള്‍ റിട്വീറ്റുകള്‍ രാഹുലിന് ലഭിക്കാന്‍ തുടങ്ങിയിട്ടുണ്ട്. എന്നാല്‍ ട്വിറ്ററില്‍ കുറിക്ക് കൊള്ളുന്ന വാക്കുകളിലൂടെ ജനകീയനാവുന്നതിന്റെ പിന്നില്‍ മറ്റാരോ ആണെന്ന് പലകോണുകളില്‍ നിന്നും സംശയമുയര്‍ന്നിരുന്നു. ഈ ചോദ്യത്തിനുള്ള ഉത്തരമായാണ് ഒരു വിഡിയോ രാഹുല്‍ ട്വിറ്ററില്‍ പോസ്റ്റു ചെയ്തത്. ആരാണ് ട്വീറ്റ് ചെയ്യുന്നതെന്ന് ജനങ്ങള്‍ ചോദിക്കുന്നുവെന്ന കുറിപ്പും കൂടെ ചേര്‍ത്തിരുന്നു.

Ppl been asking who tweets for this guy..I'm coming clean..it's me..Pidi..I'm way ? than him. Look what I can do with a tweet..oops..treat! pic.twitter.com/fkQwye94a5

— Office of RG (@OfficeOfRG) October 29, 2017